Кондак 1
Взбранней Воеводе Владычице нашей Богородице, даровавшей нам пречудную икону Свою «В скорбех и печалех Утешение», благодарственное приносим пение. Ты же, Пренепорочная, приими молитвы наша и от всяких бед заступи рабы Твоя, с верою и любовию вопиющия Ти: Радуйся, Владычице, в скорбех и печалех нас присно утешающая.
Икос 1
Ангел множество и вся Небесная Воинства славят Тя непрестанно на небеси, Владычице, и мы, земнороднии, исполненнии радости духовныя, притекающе к цельбоносней иконе Твоей, из глубины сердца приносим Ти глаголы сия: Радуйся, Божие ко грешным благоволение; радуйся, кающихся пред Господом Богом крепкое заступление. Радуйся, падшаго Адама воззвание; радуйся, слез Евиных избавление. Радуйся, греховную отъемлющая скверну; радуйся, бане, омывающая совесть. Радуйся, рождшая Избавителя, беззакония наша туне очищающаго; радуйся, всечудное всех к Богу примирение. Радуйся, мосте, воистину преводяй нас от смерти к животу; радуйся, мир от потопа греховнаго спасшая. Радуйся, лествице небесная, Еюже Господь к нам сниде; радуйся, вина всех обожения. Радуйся, Владычице, в скорбех и печалех нас присно утешающая.
Кондак 2
Видяще Тя на иконе Твоей святей, Богомати Пречистая, Богомладенца Христа на руках Твоих держащую и ликами святых окружаемую, умиляемся душами нашими и благоговейно с любовию покланяемся пречистаго лика Твоего изображению, зовуще Сыну Твоему Христу Богу: Аллилуиа.
Икос 2
Разум небесный открывая, Богородице Дево, благоволила еси многими чудесы прославити икону Твою, в земном жребии Твоем, Святей Горе Афонстей, да вси ведуще таковое Твое о ней благоволение, песненно Тебе зовут: Радуйся, обуреваемых тихое пристанище; радуйся, сумнящихся известное утверждение. Радуйся, едина Мати милосердия; радуйся, скорая помощнице сущим в бедах и напастех. Радуйся, скорбьми грехи наша очищающая; радуйся, печалию наша немощи душевныя врачующая. Радуйся, суетныя радости мира сего презирати нас научающая; радуйся, от мира к премирным ум наш возводящая. Радуйся, от любве земныя к небесней Божией любви нас привлекающая; радуйся, в самых страданиях наших утешение и благодатную жизнь нам подающая. Радуйся, обетование благ вечных; радуйся, Ходатаице вечныя радости. Радуйся, Владычице, в скорбех и печалех нас присно утешающая.
Кондак 3
Силу Божественныя благодати даруеши, о Богомати, всем с верою и любовию прибегающим ко всечестному покрову Твоему; и нас, недугующих телом и душею, благая Владычице, свыше укрепи и посещения Твоего сподоби, да спасаемии Тобою, непрестанно вопием Богу: Аллилуиа.
Икос 3
Имея любовь велию к людем, искупленным Кровию Сына Твоего и Бога, всем с верою и упованием прибегающим к Тебе милостивно подаеши руку помощи, Владычице, да вси единем сердцем и едиными усты приносят Ти пение сицевое: Радуйся, милости сокровище многоценное; радуйся, отчаянных едина Надеждо. Радуйся, тела моего врачевание; радуйся, души моея спасение. Радуйся, твердая крепосте немощных; радуйся, изнемогающих заступнице и укрепление. Радуйся, гнев Божий Твоим молением скоро утоляющая; радуйся, страсти наша силою молитв Твоих укрощающая. Радуйся, слепых зрение, глухих слышание; радуйся, хромых хождение, немых глаголание. Радуйся, болящих благонадежное посещение; радуйся, яко Тобою по мере веры подаются благодатная исцеления всем немощствующим. Радуйся, Владычице, в скорбех и печалех нас присно утешающая.
Кондак 4
Бурею многих бед одержимым нам помогаеши, Небесная Царице, с верою прибегающим к Тебе и покланяющимся цельбоносному образу Твоему, егоже милостиво явила еси нам во утешение, да прославляя милость Твою, нам ниспосланную, Рожденному от Тебе Спасителю мира зовем: Аллилуиа.
Икос 4
Слышавше братия скита Андреевскаго словеса отца своего духовнаго: «Да будет сия икона вам отрадою и утешением в скорбех и печалех», возрадовашеся зело о Твоем заступлении, Пресвятая Дево, и всю надежду на Тя возложивше, воспеша Ти тако: Радуйся, радость миру Христа Спасителя рождшая; радуйся, мир от скорбей избавляющая. Радуйся, хуления и клеветы на Сына Твоего терпевшая; радуйся, страданием Его спострадавшая. Радуйся, скорбных матерей утешение; радуйся, чад их благодатное охранение. Радуйся, в бедах скорое нам заступление; радуйся, заблуждших исправление. Радуйся, младенцев питание; радуйся, юных наставление. Радуйся, Мати сиротствующих; радуйся, вдов заступление. Радуйся, Владычице, в скорбех и печалех нас присно утешающая.
Кондак 5
Боготечная звезда явися икона Твоя, Дево Богородице, сиянием многих чудес духовно просвещая и неоскудно источая благодатная исцеления всем верным, усердно к ней притекающим и смиренно вопиющим Богу: Аллилуиа.
Икос 5
Видяще токи чудес, от святыя иконы Твоея источаемыя, Всеблагая, вси людие земли Вятския стекахуся к ней на поклонение и на Тя все упование свое в скорбех и печалех возлагающе, воспеша Ти сице: Радуйся, Мати рода христианскаго; радуйся, усыновившая нас при Кресте Сына Твоего. Радуйся, Бога с человеки соединившая; радуйся, верных Господеви сочетавшая. Радуйся, Агнице, рождшая Агнца, вземшаго грехи мира; радуйся, чаше, черплющая нам радость от Источника безсмертия. Радуйся, Споручнице спасения грешных; радуйся, Ввзыскание погибших. Радуйся, нечаянная грешных Радосте; радуйся, падших востание. Радуйся, Целительнице всех немощей; радуйся, утоление всякия печали. Радуйся, Владычице, в скорбех и печалех нас присно утешающая.
Кондак 6
Проповедуют милости Твоя, Богородице, вси концы вселенныя, от святыя иконы Твоея «В скорбех и печалех Утешение» бываемыя: болящим бо здравие, слепым прозрение, скорбящим утешение подаеши, и всем на всяком месте и на всякий час благодатную помощь являеши, вопиющим о Тебе Всемилостивому Богу: Аллилуиа.
Икос 6
Возсияла еси многими лучами чудес икона Твоя, о Богомати, и сими не токмо Гору Афонскую, но и множайшая места озарила еси, да научимся звати Тебе: Радуйся, приносящая к Сыну Твоему и Богу моления верных; радуйся, и Сама у Престола Сына Твоего непрестанно молящаяся о нас. Радуйся, Предстательнице к Богу, мир от бед спасающая; радуйся, Заступнице рода христианскаго, от Бога нам дарованная. Радуйся, древо благосеннолиственное, имже покрываются мнози; радуйся, древо светлоплодовитое, имже питаются вернии. Радуйся, покрове миру, ширший облака; радуйся, земле обетования, из неяже течет мед и млеко. Радуйся, светлый облаче, верныя непрестанно освещающий; радуйся, столпе огненный, наставляяй избранныя к небесному наследию. Радуйся, ниво, растящая обилие щедрот; радуйся, Подательнице всякия благости. Радуйся, Владычице, в скорбех и печалех нас присно утешающая.
Кондак 7
Хотящи явити токи чудес от иконы Своея «В скорбех и печалех Утешение», услышала еси, Владычице, молитву болящаго раба Твоего Владимира и от немоты исцеление ему даровала еси, да здрав сый душею и телом, проповедует всем милости Твоя, ради тоя иконы явленныя. Темже и мы прославляюще Бога, благодеющаго чрез святый образ Твой, вопием Ему: Аллилуиа.
Икос 7
Новое знамение милости Твоея явила еси, Царице Небесная, в чудеснем прославлении святыя иконы Твоея, к нейже с верою и любовию прибегающим и помощи от Тебе просящим всякий недуг и всякую язву душевную и телесную врачуеши. Сего ради вопием Ти: Радуйся, купель, в нейже вся скорби наша погружаются; радуйся, чаше, Еюже радость и спасение восприемлем. Радуйся, каменю, напоивший жаждущия жизни; радуйся, древо, услаждающее сланыя воды житейскаго моря. Радуйся, животворныя воды неистощимый источниче; радуйся, бане, омывающая греховную скверну. Радуйся, скорбей наших услаждение; радуйся, печалей наших утоление. Радуйся, болезней наших врачевание; радуйся, бед избавление. Радуйся, демонов попрание; радуйся, врагов посрамление. Радуйся, Владычице, в скорбех и печалех нас присно утешающая.
Кондак 8
Странствие земное многоскорбное и многомятежное услаждаеши нам матерним твоим о нас попечением, Богородице: Ты бо, яко благая Одигитрия, наставляеши нас к тихому и благоотишному пристанищу и молиши Сына Твоего о прощении прегрешений наших, да непрестанно вопием Ему: Аллилуиа.
Икос 8
Всем верным умилительно есть взирати на святую икону Твою, Всемилостивая Владычице, Ты бо еси всех скорбящих Утешительница и бедствующих Помощница. К Тебе убо прибегаем, Богомати, пред пречестною иконою Твоею припадающе: исполни радости и веселия скорбная сердца наша, да, получивше отраду и утешение, вопием Ти: Радуйся, Путеводительнице, к Небесному отечеству нас руководящая; радуйся, Царице Неба и земли, врата райская нам отверзающая. Радуйся, Милостивая, нас милующая; радуйся, Домостроительнице, житие наше добре устрояющая. Радуйся, руно орошенное, еже Гедеон предвиде; радуйся, блаженное чрево, невместимаго всеми Бога вместившее. Радуйся, Неопалимая Купино; радуйся, Нерушимая Стено. Радуйся, Живоносный Источниче; радуйся, Цвете Неувядаемый. Радуйся, умягчение злых сердец; радуйся, умиление благих. Радуйся, Владычице, в скорбех и печалех нас присно утешающая.
Кондак 9
Всякия утоляеши болезни и скорби, во обстоянии сущим руку помощи простирающи, о Всеблагая: призрела бо еси на раба Твоего Тимофея и исцеление ему даровала еси. Услади убо и наша скорби и печали, скорая Помощнице, и исцеление подаждь недугующим душам и телесем нашим, да вопием немолчно: Аллилуиа.
Икос 9
Ветии многовещаннии недоумевают, киими словесы достойно восхвалити вся чудеса Твоя, Богородице, от святыя иконы Твоея бываемыя. Мы же, Твоя неисчетная благодеяния видяще, присно Тя ублажаем и хвалебно Тебе вопием: Радуйся, обрадовавшая надеянием на Тя всех христиан; радуйся, Радосте и умирение миру. Радуйся, Подательнице Божественныя благости; радуйся, Надеждо благ вечных. Радуйся, кораблю хотящих спастися; радуйся, пристанище житейских плаваний. Радуйся, верная Хранительнице уповающих на Тя по Бозе; радуйся, одеждо нагих дерзновения. Радуйся, Заступнице всех и утверждение; радуйся, всех верных ограждение и священное прибежище. Радуйся, помоще верно молящихся Тебе; радуйся, светлое благодати познание. Радуйся, Владычице, в скорбех и печалех нас присно утешающая.
Кондак 10
Спасительное прибещиже в скорбех и бедах являешися всему роду человеческому, Мати Божия: Тя бо дарова Человеколюбец Господь погибающим в помощь, покров и утешение. Мы же, вечныя муки Твоим ходатайством избавитися уповающе, верно вопием Сыну Твоему и Богу нашему: Аллилуиа.
Икос 10
Стена необоримая и источник чудес явися святая икона Твоя, Владычице, всем к Твоему покрову прибегающим. Темже и мы, припадающе пред образом Твоим, молим Тя: защити и сохрани нас невредимы от всех напастей и нестроений, с любовию взывающих Ти из глубины души: Радуйся, столпе девства; радуйся, чистоты и целомудрия сосуде избранный. Радуйся, воинствующим на плоть целомудрием изрядное венчание; радуйся, во иночестве благоскорбящим Подательнице вечнаго радования. Радуйся, пламень страстей изменяющая; радуйся, мрак искушений прогоняющая. Радуйся, наставнице целомудрия; радуйся, чистоты ограждение. Радуйся, исправление человеков; радуйся, Еюже от падения нашего востахом. Радуйся, твердое веры утверждение; радуйся, приятное молитвы кадило. Радуйся, Владычице, в скорбех и печалех нас присно утешающая.
Кондак 11
Пение сие наше не презри, Пресвятая Дево, егоже всеумиленно приносим Ти, раби Твои, яко всесильней Заступнице рода нашего, но помози нам, Всеблагая, покаянием очиститися от скверны греховныя и преуспети в чистем и богоугоднем житии, да воспоминая неисчетная чудотворения Твоя, вопием Подателю всех благ Богу: Аллилуиа.
Икос 11
Светлыми лучами чудес пречестная икона Твоя, Владычице, немерцаемо сияет и весь мир благодатно озаряет, мрак греховный и уныние разгоняя. Не лиши, о Всеблагая, Твоего заступления и нас, в житейском море треволнениями обуреваемых, обаче от сердца приносящих Ти благохваления сия: Радуйся, сильным Твоим заступлением от всех бед нас избавляющая; радуйся, от труса и потопа нас защищающая. Радуйся, от глада душевнаго и телеснаго нас снабдевающая; радуйся, огнь росою молитв Твоих угашающая. Радуйся, от смертнаго губительства нас спасающая; радуйся, в бранех крепкая Помощнице. Радуйся, от нашествия иноплеменных нас ограждающая; радуйся, от междоусобныя брани охраняющая. Радуйся, плавающих легкое по водам прехождение; радуйся, путешествующих добрая Водительнице. Радуйся, пленных свобождение; радуйся, от належащаго праведнаго прещения Божия скорое избавление. Радуйся, Владычице, в скорбех и печалех нас присно утешающая.
Кондак 12
Благодать Божественную и милость испроси нам, Всемилостивая Владычице, у Сына Твоего и Бога, да, тою укрепляеми и направляеми, по пути сем многоскорбнем неуклонно шествовати возможем. Ты же, о Богомати, от всякаго зла сохрани нас, под осенение иконы Твоея святыя прибегающих и со умилением о Тебе вопиющих: Аллилуиа.
Икос 12
Поюще Твоя милости и чудеса, Богородительнице, бывшая в древния и настоящая времена, хвалим, славим и величаем Тя, Честнейшую воистину Херувим и Славнейшую без сравнения Серафим, и, припадая к пречестному образу Твоему, умильно сей лобызаем, с трепетом и любовию воспевая Ти сице: Радуйся, непостыдное наше упование в животе и по преставлении нашем; радуйся, уповающим на Тя мирен конец жития сего подающая. Радуйся, в день судный наша Надеждо и Защищение; радуйся, Судии Праведнаго умоление. Радуйся, геенны вечныя избавление; радуйся, Надеждо вечнаго спасения. Радуйся, ключу Царствия Христова; радуйся, двере райская. Радуйся, мосте, к небесем преводяй; радуйся, всех кающихся грешников прибежище и благая Заступнице. Радуйся, Ангелов радосте; радуйся, всех праведных Славо и Утешение. Радуйся, Владычице, в скорбех и печалех нас присно утешающая.
Кондак 13
О Всепетая Мати Сладчайшаго Господа нашего Иисуса Христа! Услыши глас скорбящих раб Твоих и приими сие малое моление наше, от любящих сердец Тебе приносимое: избави нас от всяких бед, скорбей и напастей; недуги наша исцели, всяку злобу и вражду отжени от нас и причастниками жизни вечныя соделай, о Тебе благодарно зовущих: Аллилуиа.
(Этот кондак читается трижды, затем 1-й икос и 1-й кондак)
Молитва
К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, Надеждо христиан и Прибежище нам, грешным? Кто паче Тебе в напастех защитит? Услыши убо стенание мое и приклони ухо Твое ко мне, Владычице Мати Бога моего, и не презри мене, требующаго Твоея помощи, и не отрини мене, грешнаго. Вразуми и научи мя, Царице Небесная; не отступи от мене, раба Твоего, Владычице, за роптание мое, но буди мне Мати и Заступница. Вручаю себе милостивому покрову Твоему: приведи мя, грешнаго, к тихой и безмятежной жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О Владычице, Царице Небесная! Ты мне упование и прибежище, покров и заступление и помощь. Царице моя Преблагая и скорая Заступнице, покрый Твоим ходатайством моя прегрешения, защити мене от враг видимых и невидимых; умягчи сердца злых человек, возстающих на мя. О Мати Господа моего Творца! Ты еси корень девства и неувядаемый цвет чистоты. О Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избавлюся от всякия беды и напасти, о Пренепорочная и Преславная Божия Мати Марие. Темже со упованием глаголю и вопию: радуйся, Благодатная, радуйся, Обрадованная, радуйся, Преблагословенная, Господь с Тобою! Аминь.
Тропарь, глас 5
Утоли болезни многовоздыхающия души моея, Утолившая всяку слезу от лица земли: Ты бо человеком болезни отгониши и грешных скорби разрушаеши, Тебе бо вси стяжахом надежду и утверждение, Пресвятая Мати Дево.
Кондак, глас 6
Не ввери мя человеческому предстательству, Пресвятая Владычице, но приими моление раба Твоего: скорбь бо обдержит мя, терпети не могу демонскаго стреляния, покрова не имам, ниже где прибегну окаянный, всегда побеждаемь, и утешения не имам, разве Тебе, Владычице мира, упование и предстательство верных, не презри моление мое, полезно сотвори.
Икона «В скорбех и печалех Утешение»
Празднование:
2 декабря (н. ст.)
Икона «В скорбех и печалех Утешение» устроена в виде створчатого складня. Богородице предстоят следующие святые: великомученики Георгий Победоносец и Димитрий Солунский, Иоанн Предтеча, апостол Иоанн Богослов, преподобные Антоний, Евфимий, Онуфрий Великие и Савва Освященный, святители Спиридон Тримифунтский и Николай Чудотворец.
Есть предание, что икона принадлежала Цареградскому Патриарху Афанасию.
После смерти владыки Афанасия икона «В скорбех и печалех Утешение» была доставлена в афонский монастырь Ватопед, где и пробыла до октября 1849 года, когда был открыт Андреевский скит. Тогда проживавший на покое в Ватопеде митрополит Григорий передал икону новооткрываемому скиту как благословение от обители. Икона находилась в келье основателя скита о. Виссариона. Перед своей кончиной в 1862 году он благословил братию образом со словами: «Да будет сия икона вам отрадою и утешением в скорбях и печалях». Слова оказались пророческими - уже через полтора года икона просияла чудотворениями...
В ноябре 1863 года в г. Слободской Вятской губернии приехал афонский иеромонах Паисий и привез с собой икону Божией Матери «В скорбех и печалех Утешение», которая была поставлена в церкви Христорождественского женского монастыря.
Через некоторое время о. Паисий собрался уезжать из Слободского. Но все земные планы моментально переменило исцеление 18-летнего юноши Владимира Неволина. Володя онемел за шесть лет до этого. В Рождество Христово 1857 года на паперти церкви с. Кырмыж ему было указание: срочно написать письмо своему отцу. Хотя мальчик был глубоко взволнован видением, все же не исполнил приказание. Как вспоминал Володя позже, через несколько недель спустя, в первый день Великого поста 1858 года, ему явились три светообразных мужа, упрекнули за неисполнение наказа и предсказали ему глухоту и немоту. Вечером того же дня у мальчика начал пропадать голос, и к ночи он окончательно онемел. Отец (бывший священник с. Кырмыж, а потом иеромонах Успенского Трифонова монастыря Неон) возил его к разным врачам, но бесполезно - болезнь не проходила. Владимира отдали учиться живописи к слободскому купцу А.А. Пашкину, державшему иконописную мастерскую. Прошло почти шесть лет...
Когда Володя услышал, что в город прибыла афонская святыня, в сердце его вспыхнуло желание припасть к ней и излить свою скорбь. 19 ноября вместе со своим другом Иваном Вершининым он пришел в храм, но икону унесли по домам горожан для молебнов. Только после вечерни о. Паисий смог начать служить молебен. Владимир горячо молился Пресвятой Владычице. И когда он после молитвы припал губами к иконе, то почувствовал жар, который начался с языка и распространился по всему телу. Положив несколько поклонов, Владимир отправился домой и снова принялся за живопись. Но духовная радость не оставляла его, мыслями он все еще был в храме. Задумчиво смотря на брата своего хозяина, он неожиданно сказал: «Какой чудный бриллиантовый венец у Божией Матери!» И тут же с удивлением, ужасом и восторгом воскликнул: «Да ведь я говорю?!» Потрясенный брат хозяина только и мог промолвить: «Молись, молись, Володенька...»
Тотчас поспешили к о. Паисию, уже собиравшемуся в дорогу. Конечно, отъезд пришлось отложить. Был отслужен благодарственный молебен. Весть о чуде быстро распространилась по городу, к иконе началось настоящее паломничество.
22 ноября дочь дьячка Сретенской церкви Параскева Овчинникова, произносившая слова с болью в груди и судорогами в лице, после молебна у иконы получила полное выздоровление. 23 ноября то же произошло и с семилетней Ксенией Кайсиной, не владевшей ногами и правой рукой. Днем позже от такого же страшного недуга был исцелен крестьянин Николай Ворожцов, а также крестьянин Пушкарев, парализованный и находившийся в забытьи (в обитель его привезла жена). 24 ноября был исцелен от болезненных припадков трехлетний Петя Лихачев.
Вот еще один поразительный случай. 24-летний крестьянин Тимофей Семяков 20 ноября 1863 года заболел белой горячкой, доводившей его до безумия. В декабре горячка прошла, но зато отнялись ноги. Родные больного узнали от проезжающих из Вятки о чудотворениях образа в Слободском. По совету матери Тимофей дал обет: в случае исцеления дойти до Вятки пешком. В день Богоявления Господня родные Тимофея ушли в храм, а он усердно молился Пречистой. Вдруг неожиданно почувствовал движение в доселе бессильных ногах. Тогда Тимофей встал, повергся перед иконами, прося Владычицу сподобить его на обещанный путь. 12 января 1864 года Тимофей отправился в дорогу. Он шел ежедневно по 60-80 верст и был уже в главном вятском городе 21 января, где с благодарностью поклонился образу «В скорбех и печалех Утешение».
Эта волна чудес перевернула души слобожан. Изменился весь строй жизни: были забыты светские развлечения, горожане ежедневно приходили в храм или принимали святыню у себя дома. Сестры же обители буквально ночевали в храме...
Когда 11 декабря икону пришлось отправить в Вятку, то чувство у всех было, по словам очевидца, «как будто похоронили кого-либо из самых близких сердцу».
Слободское духовенство собралось на прощальный молебен, где соборно освятили точный список с чудотворной иконы (его выполнил сам исцеленный Владимир Неволин). Икона была написана всего за несколько дней! Можно было себе представить, с какой горячей благодарностью и верой трудился над ней Владимир!
В Вятке, в свою очередь, был настоящий порыв почитания. Икона находилась в женском Преображенском монастыре. Двери храма не закрывались ни на минуту. Люди приходили даже ночью.
В главном вятском городе было также зафиксировано до 40 чудес (а сколько осталось ведомых только Богу!). Так, 22 января за 250 верст привезли пятилетнего Кирилла. Несчастный ребенок не владел ни руками, ни ногами. Даже не мог держать головку - когда его брали на руки, она безвольно падала. В добавление ко всему Кирилл был немой. Во время молебна ребенка поднесли под Евангелие, которое священник возложил болящему на голову. На следующий день мальчик стал садиться и держаться руками, на третий - вставать на ножки. 25 января во время всенощной он неожиданно протянул ручки к отцу со словами: «Тятя, возьми меня». Обливаясь слезами радости, отец возвестил о чуде. Был тут же отслужен благодарственный молебен.
Крестьянский мальчик Ваня Рылов в 15 лет сделался расслаблен, лишился речи и рассудка. В любой момент он мог вскочит и убежать. Его были вынуждены держать на привязи. В таком состоянии он пробыл 5 лет, и уже 20-летнего Ивана привезли к афонской святыне. 24 января во время службы он неожиданно три раза обратился к отцу, показывая на святую воду: «Дай мне пить». После этого к юноше вернулся рассудок и дар слова (действительно, именно в таких случаях становится понятно, что это дар Божий).
Святому образу молятся для исцеления от разных недугов: головных болей, паралича, немоты и расслабленности. Празднование иконе совершается 2 декабря (н. ст.).
По благословению
Архиепископа Херсонского и Таврического Иоанна
Источник: "Акафист Пресвятей Владычице нашей Богородице в честь иконы Ея «В скорбех и печалех Утешение". Херсон 2009
http://pravoslavie.ks.ua/rubric/akafisty/article/akafist-presvyatej-vladychitse-nashej-bogoroditse-v-chest-ikony-eya-v-skorbeh-i-pechaleh-uteshenie |
